المشكلة مو في الفكرة
أغلب الأفكار اللي تفشل كانت ممكن تنجح. اللي يطيّحها إن صاحبها يدفع قبل ما يتأكد: يلتزم بتكاليف ثابتة كل شهر، ويبني توقعاته على حماس أو على تجربة غيره في مدينة ثانية وسوق ثاني.
وين يروح المال؟
- إيجار أكبر من المشروع: موقع مميز بعقد طويل يبان قرار ذكي يوم التوقيع، لكنه يصير أثقل بند في الميزانية إذا المبيعات تأخرت. والعقد ما يتراجع معك.
- تسعير ما يغطي التكاليف: سعر ينحط بالمقارنة مع المنافس بدون حساب التكلفة الحقيقية للمنتج والتشغيل. كل بيعة تبان ربح وهي في الحقيقة خسارة صغيرة تتكرر.
- سوق ما انفحص: افتراض إن الحي أو المدينة تحتاج الخدمة، بدون ما أحد يتأكد من الطلب الفعلي والمنافسين القريبين. النتيجة محل جاهز وزباين أقل من المتوقع.
- سيولة تخلص قبل ما يوقف المشروع على رجله: رأس المال يروح على التجهيز، وما يبقى شي يغطي الشهور الأولى اللي المبيعات فيها ضعيفة طبيعياً. هنا أغلب المشاريع تتوقف وهي على وشك تمشي.
- قرارات تنظيمية متأخرة: توظيف ونطاقات وتراخيص تنتبه لها بعد الافتتاح، فتطلع عليك تكاليف أو غرامات ما كانت في الحسبة. شوف مثلاً تغيير احتساب السعودي في نطاقات.
ليش القرار يحتاج مختص؟
صاحب المشروع قريب من فكرته، وهذا طبيعي، لكنه يخليه يشوف الأرقام أحسن من حقيقتها. والدراسات الجاهزة من الإنترنت ما تعرف مدينتك ولا إيجارات حيّك ولا أسعار مورديك، فتعطيك اطمئنان على الورق وتخفي الخطر الحقيقي. العين الخارجية اللي تعرف السوق السعودي تسأل الأسئلة اللي ما تبي تسمعها قبل ما تدفع، مو بعدين.
في مجرب نراجع مشروعك سواء كان فكرة أو قائم: الأرقام والتسعير والسوق والقرارات التنظيمية، ونقولك بوضوح وين الخطر. اكتب لنا على الواتساب بنشاط مشروعك ومدينته ووضعه الحالي.
اقرأ أيضاً: دراسة جدوى في السعودية: وش تخسر بدونها؟، استشارات الأعمال والإدارة، مشروعك بدون هوية واضحة، أو جميع خدماتنا.
مواضيع قريبة: إعلان التوظيف يجيبك الشخص الغلط؟، عندك عامل رخصته منتهية؟ 31 ديسمبر قريب.