وش القرار بالضبط؟
في 25 أكتوبر 2026 نشرت وكالة الأنباء السعودية توجيه خادم الحرمين الشريفين بعدد من الإجراءات الداعمة للمواطنين، ومنها ما يخص العاملين السعوديين في القطاع الخاص ضمن برنامج نطاقات:
- 5,000 ريال: الحد الأدنى الجديد للأجر اللازم لاحتساب العامل السعودي كاملاً في نسب التوطين، ويبدأ تطبيقه بعد 6 أشهر من تاريخ بدء الإجراء.
- 6,000 ريال: بعد 12 شهراً من بدء تطبيق الزيادة الأولى.
- الهدف المعلن: تعزيز مستويات الأجور ودعم استدامة توظيف المواطنين في القطاع الخاص.
المصدر: وكالة الأنباء السعودية (واس).
وحسب ما نشره وزير الموارد البشرية، الحد الأدنى للاحتساب يصير 5,000 ريال في 25 أبريل 2027، ثم 6,000 ريال بعد سنة (تغريدة الوزير). وحسب التوضيحات المتداولة عن منصة قوى، الراتب من 4,000 إلى أقل من 5,000 يُحتسب نصف موظف، وأقل من 4,000 ما يُحتسب.
وين الخسارة؟
- نسبة التوطين تنزل بدون ما توظف أو تفصل أحد: نفس الموظفين، نفس الرواتب، لكن اللي تحت الحد ينحسب نصف. منشأة على حافة نطاقها ممكن تنزل نطاق بسبب موظف أو اثنين.
- النطاق الأقل يوقف خدمات تحتاجها يومياً: النطاقات المنخفضة تقيّد خدمات مثل إصدار التأشيرات وتجديد رخص العمل ونقل الخدمات. يعني توسع متوقف، وعمالة ما تقدر تجدد لها، وعقود ممكن تتأخر.
- الحل المستعجل غالباً أغلى حل: رفع رواتب الكل في آخر شهر، أو توظيف سعوديين بسرعة بدون وصف وظيفي واضح، يكلف أكثر من خطة مرتبة من بدري، ويخلق فروقات بين الموظفين يصعب تصلحها بعدين.
- الموظفين يسألون من الحين: الموظف اللي راتبه 4,000 أو 4,500 يعرف إنه ينحسب نصف، ويسأل عن مستقبله. غياب جواب واضح منك يفتح باب الاستقالات والتوتر.
- والمرحلة الثانية أصعب: بعد سنة يصير الحد 6,000. اللي يحل مشكلة 5,000 بترقيع ممكن يرجع لنفس المشكلة بعد 12 شهر.
ليش تحتاج مختص؟
القرار مو معادلة وحدة. القرار الصح يعتمد على نشاطك وحجمك ونطاقك الحالي، ومين من موظفيك يستاهل تعديل راتبه، ومين دوره يحتاج إعادة تصميم، وكم يكلف كل خيار شهرياً مع التأمينات. غلطة في هالحسبة إما تكلفك رواتب ما كان لها داعي، أو نطاق ينزل وخدمات تتوقف.
في مُجرِّب نشخّص وضع منشأتك قبل الموعد: كم موظف بيتأثر، ووين بيوصل نطاقك في أبريل 2027 وأبريل 2028، وأقل الخيارات تكلفة تحافظ فيها على نطاقك، مع سلم رواتب وأوصاف وظيفية تبرر أي تعديل.
أرسل لنا على الواتساب اسم المنشأة ونشاطها وعدد موظفيك السعوديين، ونرد عليك بخطوات المراجعة وعرض سعر محدد. التفاصيل في خدمة استشارات الموارد البشرية.
هذي الصفحة توضيح عام وليست استشارة نظامية، والضوابط الرسمية تصدر من وزارة الموارد البشرية والتنمية الاجتماعية.
مواضيع قريبة: عندك عامل رخصته منتهية؟ 31 ديسمبر قريب، إعلان التوظيف يجيبك الشخص الغلط؟، بدأت مشروعك بدون دراسة جدوى؟.