وش تخسر بالضبط؟
المشكلة مو في العطل نفسه، المشكلة إنك ما تدري عنه. العميل اللي واجه مشكلة في موقعك ما يتصل يشتكي، يطلع ويدور على غيرك. وكل يوم يمر والعطل موجود، هو عملاء وإعلانات وثقة تروح بدون ما تشوفها في أي تقرير.
أعطال نلقاها كثير
- تحذير أمان بدل القفل: شهادة SSL المنتهية تخلي المتصفح يقول لعميلك إن موقعك "غير آمن". الزائر ما يفرّق بين شهادة منتهية وموقع مخترق، فيقفل الصفحة ويرجع لنتائج البحث، وتخسر الثقة قبل ما يقرأ اسم شركتك.
- بريد تواصل يرتد: رسائل العملاء وطلبات عروض الأسعار ترجع لهم برسالة خطأ، وأنت تحسب إن السوق هادي. هذا من أكثر الأعطال اللي نلقاها في مواقع الشركات، لأن صاحبها ما يراسل نفسه أبداً.
- موقع واقف أو دومين منتهي: يوم واحد والموقع واقف يعني كل من بحث عنك أو ضغط رابطك في السوشال أو الإعلان لقى صفحة خطأ. ولو انتهى الدومين ممكن يحجزه غيرك، واسترجاعه يصير أصعب وأغلى بكثير من تجديده.
- رابط واتساب خربان: في السعودية أغلب العملاء يتواصلون بالواتساب. لو الزر يفتح رقم غلط أو ما يفتح، فأنت قافل أسهل باب للبيع وأنت تدفع على كل شي يوصل الناس له.
- معلومات متضاربة وبقايا قالب: عنوانين مختلفين، أوقات دوام متناقضة، أو نصوص تجريبية من القالب. العميل يسأل نفسه: إذا الموقع مهمل كذا، كيف بيكون التعامل؟ ويختار المنافس اللي يبان أرتب.
- بطء الجوال وغياب قوقل: موقع بطيء على الجوال يخسرك الزائر قبل ما تفتح الصفحة، وموقع ما يظهر في قوقل كأنه غير موجود. منافسك اللي يظهر قبلك ياخذ العميل اللي كان يدور عليك.
ليش تحتاج مختص؟
لأن أخطر الأعطال ما تبان من جهازك: المتصفح يحفظ نسخة قديمة من موقعك، وبريدك ما يجيك منه تنبيه إن رسائل ترتد، وتجديد الدومين يروح على إيميل قديم ما أحد يقراه. اكتشافها يحتاج فحص من خارج شبكتك وفهم للاستضافة والدومين والبريد مع بعض، وإصلاحها غلط ممكن يوقف الموقع أو البريد كامل.
في مجرب نراجع موقعك كعميل جديد، ونقول لك بوضوح وش اللي يخسرك عملاء، ونصلحه مع الحفاظ على تصميمك ومحتواك. أرسل رابط موقعك على الواتساب وخلنا نشوفه.
تبي موقع جديد بدل الإصلاح؟ شوف خدمة تصميم وتطوير المواقع ودليل تصميم موقع شركة في السعودية، أو اطلع على جميع خدماتنا.
مواضيع قريبة: مشروعك على الواتساب فقط يكلّفك عملاء، نشاطك مو ظاهر في خرائط قوقل؟، الدومين انتهى أو موقعك يفتح موقع ثاني؟.